Na Lilian Ekonga, Dar es salaam
Tume Huru ya taifa ya uchaguzi(INEC), imesema imeboresha mfumo wa uandikishaji ambao kwa mara ya kwanza ya kwanza utamuwezesha mpiga kura aliyekuwepo kwenye Daftari la kudumu la wapiga kura nchini kuanzisha mchakato wa kuboresha taarifa zake
Pia mpiga kura anaweza kuhama kituo kwa kutumia simu au kompyuta na baadae kutembelea kituo anachokusudia kujiandikisha ili apatiwe kadi yake ya mpiga kura.
Hayo yamesemwa leo juni 13, 2024 na Mwenyekiti qa Tume Huru ya Uchaguzi, Mhe. Jaji (Rufaa) Jacobs Mwambegele wakati akifungua mkutano
Kati ya Tume na waandishi wa vyombo mbalimbali vya habari nchini.
Amesema wakati wa zoezi hilo tume imeweka utaratibukwa watu wenye ulemavu, wazee, wagojwa wajawazito n wakina mama wenye watoto wachanga watakao kwenda nao vituoni kupewa fursa ya kuhudumiwa bila kupanga foleni.
"Tunawaomba waandishi wa habari kupitia kalamu zenu muwafahamishe wananchu wote waliopo kwenye makundi tajwa kujitokeza kwa wingi kwenda kujiandikisha au kuboresha taarifa zao vituoni kwa utaratibu mzuri"amesem jaji Mwambegele.
Ameongea kuwa uboreshaji huo unatarajiwa kuzinduliwa rasmi julai Mosi, 2024 mkoani kigoma n Waziri Mkuu wa Jamuhuri ya Mungano wa Tanzania, Mheshimiwa Kassim Majaliwa.
Amesema wananchi wanapaswa kupata taarifa sahihi kuhusu kujiandikisha na umuhimu wake, hivyo Tume imejikita katika kuhakikisha wananchi wote wanafikiwa ili uboreshaji uwe wa mafanikio.
Ameeleza kuwa Mifumo miwili itatumika ukiwemo wa (VRS) Mfumo Mkuu na (OVRS) ikiwa ni mfumo kwa njia ya mtandao.
Amesema mifumo yote miwili itahusisha fomu tatu, Namba moja, Kuandikisha wapiga kura wapya, Namba 5A wanaoboresha taarifa zao, wanaohama vituo, waliopoteza kadi au kadi zao kuharibika, na namba 5B kuondoa taarifa za wapiga kura waliopoteza sifa za kuwepo katika Daftari la Kudumu la Wapiga Kura.
Uandikishaji wa wapiga kura utahusisha uchukuaji wa alama za vidole vya mikono, picha na saini na kuhifadhiwa kwenye kanzidata ya wapiga kura.
Ameongeza kuwa uboreshaji wa Daftari wa mwaka 2024/2025 utatumia teknolojia ya BVR Kits zilizoboreshwa kwa kuwekewa program endeshi ya kisasa zaidi.
