Na Humphrey Msechu
KLABU ya Yanga imelamba dili nono la sh.Bilioni 10.9 kwa kampuni ya Gsm group baada ya kuingia mkataba wa miaka mitano kwa kiasi wa kutengenezewa bidhaa mbalimbali za kampuni hiyo.
Hayo amesema leo jijini Dar es Salaam na Rais wa Makampuni yote ya Gsm group, Ghalib said Mohammed wakati akizungumza na waandishi wa habari alisema Klabu hiyo ilikubaliana na kampuni yao kuwa itavuna kiasi cha bilioni 1.5 kwa kila mwaka.
Alisema fedha hizo zitatoka kwenye mauzo ya jezi ambapo itavuna kila asilimia 10 ya fedha za mauzo ya jezi hizo kwa kila mwezi."Mkataba mwingine tulioingiana Yanga ni kupitia bidhaa za Gsm foam,"alisema na kuongeza
"Klabu ya Yanga itakuwa inavuna kiasi Cha Million 300 kila mwaka ndani ya miaka hiyo mitano na itapata mgawo wa asilimia 8.5 ya ongezeko la mauzo kupitia Gsm foam,"alisisitiza
Alisema Yanga ndiyo timu pekee Afrika kwa sasa kutoka ukanda wa Afrika Mashariki na Kati kupata udhamini mnono wa mauzo ya jezi na udhamini mdogo kwenye jezi zao."Yanga imetuheshimisha sana sisi Gsm group na ndiyo maana Gsm group tunalipa fadhila,kufanya hivi ni kwenda kuwapa upendo,"alisema
Alisisitiza kuwa Kampuni yao ya GSM katika kuingia mikataba hiyo yote miwili itakwenda kuweka usawa Yanga kwa kuiboresha mikataba kwa kila mwaka kwa kuongeza thamani ya fedha kwenda Yanga.
"Tunajua kila mwaka serikali yetu ina bajeti yake na sisi kama Gsm tunajua hilo ndiyo maana tunatoa fedha kulingana na thamani halisi iliyopo kwa muda huo" alisema na kuongeza
"Najua niliwahidi Wananchi nitakwenda kuivusha salama Yanga kwa kuipa thamani halisi klabu hii na haya ni mwendelezo wa ahadi yangu kwenu wanayanga," alisema Said
🚨BIG SURPRISE KESHO UWANJANI.
Kwa Wananchi wote wa Yanga kesho uwanjani Benjamin William Mkapa stadium kwenye mchezo dhidi ya Mtibwa sugar kutakuwa na BIG SURPRISE Kutoka kwa Yanga.
