Waziri wa Utamaduni, Sanaa na Michezo. Mhe, Mohamed Mchengerwa leo Mei 15, 2022 amekuwa mgeni rasmi kwenye maonesho ya kimataifa ya watoa huduma kwenye sherehe hapa nchini.
Maonesho haya yanafanyika kwa msimu wa tano katika ukumbi wa Mlimani city huku yakiwatutanisha wadau mbalimbali wanaotoa huduma kwenye Sherehe.
Mbali na kukagua zaidi ya mabanda 20 mbalimbali ya wadau Mhe, Mchengerwa ameshudia burudani murua kutoka kwa wasanii mbalimbali wakiongozwa na mwimbaji mkongwe Christina Shushu.
Aidha, maonesho mbalimbali ya wadau wa watoa huduma hao yamefanyika kwa kiwango cha kimataifa.
Mratibu wa maonesho hayo, Anna Lema amemshukuru Mhe, Mchengerwa kwa kusimamia vizuri sekta za Utamaduni, Sanaa na Michezo.
