Wazazi na walezi nchini wametakiwa kufanya utambuzi wa mapema kwa watoto wenye ulemavu ili kusaidia kupunguza makali ya ulemavu katika kipindi cha ukubwani au kuyaondoa kabisa.
Kauli hiyo imetolewa Jijini Dar es salaam na Afisa wa jamii mwandamizi kutoka ofisi ya waziri mkuu –kazi, vijana, ajira na watu wenye ulemavu Bi Oliver Njogopa katika mkutano wa tathmini ya mwaka mmoja wa uongozi wa Rais Samia Suluh juu ya maswala ya jinsia na ujumuishi wa watu wenye ulemavu.
Amesema wazazi na walezi wanapaswa kuwapa hafua stahiki watoto ambao tayari wamegundulika kuwa na ulemavu ikiwa ni pamoja na kuwafanyisha mazoezi, kuwapa elimu msingi ili wafikie malengo yao.
Kwa upande wake Meneja wa idara ya kujenga uwezo kutoka shirika la foundation for civil society Edna Shilima amesema wataendelea kushirikiana na watu wenye ulemavu ili kubainisha changamoto zao ili ziweze kufanyiwa kazi na mamlaka husika.
Awali akiwasilisha mapendeko yao Katibu wa jumuia ya wanawake na watoto wenye ulemavu –SHIVYAWATA Maria Charles amesema serikali pamoja na wadau wanapaswa kuendelea kuweka mazingira jumuishi katika maeneo ya Hospital, vyombo vya usafiripamoja na mitaala ya elimu katika ngazi za vyuo.
Mkutano huo umeandaliwa na Her-Ability foundation kwa kushirikiana na shirikisho la vyama vya watu wenye ulemavu nchini –SHIVYAWATA pamoja na Foundation for civil society –FCS.
