Kikundi cha Sanaa za Ngoma kutoka Chuo Kikuu cha Makumira leo Machi 18, 2022 kimepamba ufungaji wa Kongamano la pili la Idhaa za Kiswahili jijini Arusha na kumfanya Mgeni Rasmi. Mhe. Dkt, Hussein Ali Mwinyi, Rais wa Serikali ya Mapinduzi ya Zanzibar na Mwenyekiti wa Baraza la Mapinduzi Zanzibar kukituza kikundi hicho.
Kikundi hicho kiliingizwa na Mshereheshaji Abubakar Harith kutoka Shirika la Utangazaji Zanzibar (ZBC) kwa mbwembwe mbele ya Mhe. Rais kuwa kinaleta nyimbo zenye asili ya Arusha lakini baada ya kuingia kilitumbuiza nyimbo zenye mahadhi ya Unguja na Pemba na kuwashangiliwa na washiriki pia kuwainua viongozi kwenda kuwatuza.
Waziri wa Utamaduni, Sanaa na Michezo. Mhe, Mohamed Mchengerwa ndiye aliyewaongoza washiriki kutuza mara baada ya kikundi hicho kuimba nyimbo za kupongeza Serikali kwa kukuza lugha ya Kiswahili.
Mara baada ya kumaliza kutoa burudani. Mhe Rais Mwinyi alimwita kiongozi wa kikundi hicho na kumtuza fedha kama ishara ya kuwapongeza kwa burudani murua waliyoitoa.
Kongamano hilo liliwashirikisha wadau wa Kiswahili takribani 200 kutoka maeneo mbalimbali duniani.
