Kituo cha Sheria na Haki za Binadamu ( LHRC ) na Chama cha Wanasheria wa Mazingira kwa Vitendo ( LEAT) kwa pamoja wamesema kuna haja ya kukatiliwa kwa ripoti ya Kamati ya Prof. Manyele kutokana na Kujaa upotoshaji mkubwa kuhusu sababu za uchafuzi wa Mto Mara.
Kauli hiyo imetolewa leo jijini Dar es Salaam wakati vyombo hivyo vikitoa ufafanuzi kuhusu uchafuzi wa Maji Mto Mara baada ya Kufuatilia ili kuweza kujiridhisha juu taarifa hizo na kuona jinsi gani wahanga wa haki za Mazingira na haki za Binadamu wanaweza kusaidiwa endapo haki hizo zitakuwa zimekiukwa.
Akiwakilisha tamko hilo mkurugenzi mtendaji wa chama cha Wanasheria wa Mazingira kwa Vitendo Dkt. Rugemeleza Nshala amesema kamati ya Profesa Manyele kutokuwahoji Waathirika na badala yake kufanya usiri katika kazi inatia hofu na kupelekea kukosa uhalali na kupoteza sifa ya kuaminika.
Kwa upande wa Mkurugenzi Mtendaji wa LHRC Amesema Kwa minajili hiyo, LHRC na LEAT vilifuatilia na kutembelea baadhi ya vijiji na vitongojiambavyo vimeonekana kuathirika ili kubaini chanzo na athari zilizosababishwa na uchafuzi huo.
"Na kuanzia tarehe 17 hadi 20 Machi 2022 vilitembelea maeneo yanayozunguka na
kutegemea huduma na matumizi ya maji kutoka Mto Mara" amesema
Aidha amesmea maeneo yaliyotembelewa na
kufanyiwa uchunguzi ni vijiji vya Kirumi na Bisarwi vilivyoripotiwa kuathirika zaidi na timu ya uchunguzi ya taasisi hizi mbili ilifanya mahojianoá na wananchi wa vitongoji mbalimbali ikiwemo vitongoji vya Makora, Burongo, Bisarwi kati na Kwikoma vilivyopo kata ya Manga Wilaya ya Tarime mkoani Mara na wakabaini vitu vifuatavyo
Kumekuwepo na taarifa za vifo vya mifugo ya wakazi wa maeneo hayo ambayo inatokana na kunywa maji ya Bonde la Mto Mara yanayopita kwenye vijiji hivyo,ambapo ilibainika kuwa kati ya kipindi cha mwaka 2018 mpaka mwaka 2022 zaidi ya mifugo 800 ilikufa kwa kunywa maji yanayodhaniwa kuwa na sumu yanayopita katikaBonde la Mto Mara.
Pia katika kipindi cha kati ya tarehe 1 mpaka tarehe 15 mwezi Machi mwaka 2022 zaidi
ya mifugo (ng'ombe )54 iliripotiwa kufa kutokana na kunywa maji ya Mto huo.
Amesema Taarifa hizo zilibainisha kuwa mifugo hiyo hukonda kwa ajabu na mithiri ya kunyauka na
hatimaye kufa. Na pale wakazi hao walipochinja ngombe hao baada ya vifo hivyo imethibitika kuwa nyama ya mifugo hiyo ilibadilika rangi na kuwa nyeusi hivyo kutofaa kwa matumizi yoyote ya binadamu.
Pia amesema Taarifa zimeonyesha kuwa kati ya mwaka 2020 mpaka mwaka 2021 kumekuwa na
matukio ya kujirudia kwa wakazi wa vijiji hivyo ambapo wamekuwa wakikumbwa na ugonjwa wa ngozi unaopelekea kuwashwa kwa ngozi na kujikuna kupita kiasi mpaka kupelekea kutumia vifaa kama miti, magunzi ya mahindi ili kuweza kupunguza.
